Lorcán Ó Cinnéide ceaptha mar Bhainisteoir ar Ionad an Bhlascaoid Mhóir

Is cúis áthais ag Oifig na nOibreacha Poiblí a fhógairt go bhfuil Lorcán Ó Cinnéide ceaptha mar Bhainisteoir ar Ionad an Bhlascaoid Mhóir. Is ó Ghaeltacht Chorca Dhuibhne é agus tugann sé réimse leathan taithí leis chuig a phost nua mar Bhainisteoir ar Ionad an Bhlascaoid Mhóir. Roimhe seo bhí ardphostanna ceannais aige san earnáil phoiblí agus san earnáil phríobháideach araon, san tionscal bia mara, mar chomhalta boird ag Foras na Mara agus mar iar-Chathaoirleach ar Chomhairle Raidio na Gaeltachta. Is céimí é de Choláiste na Tríonóide agus tá páirt lárnach glactha aige i bhFondúireacht an Bhlascaoid ó bunaíodh é sa bhliain 1986.

12 Deireadh Fómhair 18

 

Osclaítear teach Thomáis Uí Chriomhthain ar na Blascaodaí tar éis athchóiriú. Cabhair a bheidh san infheistíocht chun an turasóireacht ar Leithinis an Daingin a mhéadú agus a chothú

Tá an t-athchóiriú ar bhunteach an scríbhneora aitheanta Tomás Ó Criomhthain as an mBlascaod Mór críochnaithe ag Oifig na nOibreacha Poiblí. Is é an fhís don teach athchóirithe ná go bhfeicfidh na cuairteoirí an saol ar na Blascaodaí go díreach mar a bhí sé agus go bhfeicfidh siad an saol crua a bhí ag pobal na háite sular thréig an 22 duine deireanach an t-oileán faoi dheireadh sa bhliain 1953.  Teach tréigthe gan díon a bhí ann sula ndearnadh athchóiriú ar ardchaighdeán air ar bhealach traidisiúnta.

6 Meitheamh 18