OPW: Office of Public Works
Oifig na nOibreacha Poiblí
Ráiteas um Inrochtaineacht
Tá rún daingean ag Oifig na nOibreacha Poiblí faisnéis agus seirbhísí a sholáthar a mbeidh ár gcustaiméirí ar fad in ann teacht orthu ina n-iomláine. Is é aidhm an tsuímh idirlín go mbeidh sé chomh hinrochtana agus is féidir beag beann ar chumas nó ar mhíchumas an úsáideora. Feabhsaítear an rochtain do gach úsáideoir ach dearadh maith a bheith ar shuíomh. Tá an suíomh deartha de réir Threoirlínte WC3 maidir le hInrochtaineacht Ábhair ar an Idirlíon. Comhlíonann an suíomh formhór na bpointí seiceála 1, 2 agus 3 dá dtugtar tús áite, ach soiléirítear roinnt nithe mar atá leagtha amach thíos:
Dearadh an tSuímh Idirlín
Forbraíodh an suíomh idirlín trí XHTML agus Stílbhileoga Cascáideacha atá níos inrochtana agus a bhfuil léitheoirí scáileáin in ann iad a láimhseáil. Tá an suíomh deartha ar bhealach soiléir lena seachnaítear an iomarca ábhair a bheith le feiceáil go dlúth le chéile agus soláthraíonn an suíomh stíl nascleanúna comhleanúnach. Is éasca don duine na naisc éagúla a leanúint tríd an úsáid atá bainte as dathanna, mionrianta agus naisc leis na príomhréimsí téamacha ar gach leathanach.
Tá ábhar an tsuímh idirlín dealaithe ó na heilimintí lena gcuirtear an suíomh i láthair, rud a fhágann go mbíonn an suíomh ar fáil do chuairteoirí a bhaineann úsáid as teicneolaíochtaí amhail leitheoirí scáileáin.
Tá an suíomh idirlín deartha de réir réimsí réigiúnacha go mbeidh sé níos éasca dul thart sa suíomh.
Méid an Chló
Tá rogha ar fáil do gach úsáideoir méid an chló atá á úsáid ar an suíomh a mhéadú nó a laghdú.
Cuardaigh
Tá inneall cuardaigh nua, Autonomy Ultraseek curtha isteach mar chuid den suíomh, rud atá tar éis a mhéid faisnéise is féidir a aisghabháil a fheabhsú, agus tá feidhm ardchuardaigh ar fáil leis freisin.
Íomhánna
Tá tuairiscí ALT ag gabháil le gach íomhá ach amháin sa chás gur íomhánna maisiúcháin atá iontu agus baineann luach nialasach leo ó thaobh ALT de sa chás sin.
Táblaí
Baineadh an úsáid is lú agus a d'fhéadfaí as táblaí ar an suíomh.
Tástáil an Bhrabhsálaí
Tá an suíomh idirlín códaithe de réir chaighdeáinTransitional XHTML. Tá gach leathanach bailíochtaithe trí Bhailíochtóir na hEagraíochta W3. Lena chois sin, déantar leathanaigh shamplacha a sheiceáil trí úsáid a bhaint as na brabhsálaithe seo a leanas:
PC
- Internet Explorer leagan 5.5 go 7.0
- Firefox leagan 1.0.1 agus leaganacha níos déanaí
- Netscape leagan 0.9.6 agus leaganacha níos déanaí
- Opera leagan 7.45 agus leaganacha níos déanaí
- Lynx leagan 2.8.5 agus leaganacha níos déanaí
Mac
- Safari leagan 1.0.3 agus leaganacha níos déanaí
- Firefox leagan 1.0 agus leaganacha níos déanaí
Is féidir leis na seanbhrabhsálaithe go léir teacht ar an suíomh idirlín ach d'fhéadfadh leagan amach na ngrafaicí a bheith ar lár mar gheall nach bhfuil an brabhsálaí in ann déileáil leis na Stílbhileoga Cascáideacha.
An Inrochtaineacht a Choinneáil ar Bun
Tá rún daingean ag Oifig na nOibreacha Poiblí inrochtaineacht an tsuímh idirlín seo a choinneáil ar bun agus monatóireacht a dhéanamh ar an inrochtaineacht sin. Mar chuid den phróiseas sin, fáiltímid roimh aon tuairim, mholtaí nó mhionsonraí ar fhadhbanna a bhíonn ag úsáideoirí.