OPW: Office of Public Works
Oifig na nOibreacha Poiblí
Cé agus Céard a bhíonn Thíos le Tuilte?
Is féidir le tuilte dul i bhfeidhm orainn go léir agus is leathan raon na dtionchar a bhaineann leo, amhail:
- Baol don bheatha, m.sh. daoine a bheith á mbá, hipiteirme, nó tionchar smionagair a bheith ar foluain in uisce
- Sláinte, m.sh. tinneas de bharr uisce tuile a bheith salaithe agus gortuithe de bharr smionagair a bheith ar foluain in uisce
- Strus, m.sh. dúlagar, buairt agus neamhord struis iarthrámaigh a d'fhéadfadh teacht ar dhuine tar éis fíor-dhrochthuilte
- Damáiste do thithe de bharr uiscí tuile, lena n-áirítear damáiste do struchtúr foirgneamh agus dá bhfuil iontu agus nithe, ar luachmhar le daoine iad, a bheith caillte
-
Damáiste do shiopaí, do ghnónna agus do thionscail, lena n-áirítear damáiste díreach do stoc, do ghléasra agus do threalamh, cúrsaí gnó a bheith thíos le tuilte agus d'fhéadfadh caillteanas a bheith i gceist ó thaobh brabús nó baol dócmhainneachta freisin
-
Baol go ndiúltófar clúdach árachais nó go mbeidh préimheanna nó táillí barrachais níos airde
-
Damáiste don chomhshaol de bharr truailliú ó uiscí salaithe na tuile nó de bharr gnáthóga a bheith faoi uisce
- Ár n-oidhreacht chultúir a bheith caillte trí dhamáiste do shéadchomharthaí náisiúnta, d'fhoirgnimh liostaithe, d'áiteanna inspéise, d'ealaín, srl. de bharr tuilte
- Damáiste dár mbonneagar iompair, móide na costais ghaolmhara lena dheisiú
- Ag cur isteach ar thaisteal nó gan daoine a bheith in ann teacht ar mhaoine de bharr bóithre a bheith faoi uisce
- Ag cur isteach ar sholáthar an leictreachais, an uisce óil, an gháis agus ar sholáthairtí fóntas eile
D'fhéadfadh éifeachtaí tuilte a bheith diabhalta millteanach, agus d'fhéadfadh fadhbanna pearsanta fadtéarmacha a bheith i gceist chomh maith leis an gcostas agus an suaitheadh a bhíonn i gceist láithreach do dhaoine, agus d'fhéadfadh na héifeachtaí sin dul i bhfeidhm ar dhuine ar bith.
Bí ar an eolas agus bí ullmhaithe (www.flooding.ie).