OPW: Office of Public Works
Oifig na nOibreacha Poiblí
Feiniméan nádúrtha is ea tuilte atá ag tarlú ar fud na hÉireann ón ré sular tháinig daoine go hÉireann fiú. Ní bhaineann baol le tuilte ach amháin sa chás go ndéanann siad damáiste trína bheith ag idirghníomhú le gníomhaíochtaí an duine. De réir mar atá fás tagtha ar an daonra, agus úsáid níos déine á baint as an talamh againn, tá baol sin tagtha i méid agus mura ndéantar é a bhainistiú go héifeachtach, is dócha go leanfaidh an baol ar aghaidh le bheith ag dul i méid de bharr na dtionchar a d'fhéadfadh a bheith ag an athrú aeráide agus de bharr tuilleadh forbartha a bheith á déanamh ar thailte a bhféadfadh tuilte teagmháil leo.
Soláthraíonn na naisc thíos tuilleadh faisnéise faoi bhaoil ó thuilte in Éirinn, agus faoin méid atá á dhéanamh lena chinntiú go mbainistítear na baoil sin go héifeachtach.
Céard atá i gceist le Baoil ó Thuilte : Míniú ar bhaoil ó thuilte, le sainmhíniú ar théarmaí a úsáidtear go minic agus baoil ó thuilte á mbainistiú, agus plé faoi na rudaí is cúis le baoil ó thuilte.
Léargas Ginearálta ar na Baoil ó Thuilte in Éirinn : Léargas ginearálta ar stair na dtuilte in Éirinn, agus ar leibhéal reatha na mbaol.
Stair na Bainistíochta Tuilte in Éirinn : Cur síos ar an mbealach ar tugadh aghaidh ar bhaoil ó thuilte roimhe seo.
Cé agus Céard a bhíonn Thíos le Tuilte? : An bealach gur féidir le tuilte dul i bhfeidhm ar dhaoine, ar ghnónna, ar an mbonneagar agus ar an gcomhshaol.