OPW: Office of Public Works
Oifig na nOibreacha Poiblí
Céard a Dhéanaimid
Is í Oifig na nOibreacha Poiblí an phríomhghníomhaireacht sa Stát chun baoil ó thuilte a bhainistiú in Éirinn. Tá roinnt ról tábhachtach againn lena n-áirítear gníomhaíochtaí Rann Rialtais, Údarás Áitiúil agus comhlachtaí eile a chomhordú agus an próiseas a bhainistiú maidir leis an mbeartas náisiúnta a chur i ngníomh i leith baoil ó thuilte a bhainistiú. Tá sé sin bunaithe ar thuairisc an ghrúpa um Athbhreithniú ar an mBeartas maidir le Tuilte, a foilsíodh in 2003 agus a ghlac an Rialtas in 2004.
Ritheadh Treoir an AE maidir le Tuilte in 2007. Ceanglófar leis an Treoir sin ar Bhallstáit tabhairt faoi roinnt beart, lena n-áirítear léarscáileanna de bhaoil ó thuilte a sholáthar faoi cheann tréimhse sonraithe. Tá Anailís ar Thionchar Rialála ullmhaithe ag OOP faoi Threoir an AE maidir le Tuilte a thrasuíomh i ndlí na hÉireann agus tá cóip ar fáil anseo: Anailís ar Thionchar Rialála i ndáil le Treoir an AE maidir le Tuilte a Thrasuíomh
Chinn an Rialtas amach sa bhliain 2008 go n-aistreofaí an Rannán um Chriosanna Cois Cósta a Bhainistiú ón Roinn Talmhaíochta, Iascaigh & Bia chuig OOP.
Baoil reatha ó thuilte
Bímid ag obair chun baoil reatha ó thuilte a bhainistiú in éineacht leis an bpobal agus le comhlachtaí eile trí:
- Faisnéis a sholáthar do dhaoine agus do ghnónna atá i mbaol ó thuilte (http://www.flooding.ie
- Faisnéis faoi thuilte roimhe seo a sholáthar ( http://www.floodmaps.ie )
- Sonraí faoi shruth agus leibhéal an uisce a bhailiú agus a scaipeadh ( http://www.opw.ie/hydro
- Scéimeanna Draenála Artairí agus Scéimeanna Faoisimh ó Thuilte, a rinneadh faoi na hAchtanna Siltin Airtéirigh, 1945-1995, a chothabháil.
- Scéimeanna nua faoin Acht Siltin Airtéirigh (Leasú) 1995 a ullmhú, a mhaoiniú agus a chur i gcrích.
- Cúnamh d'Údaráis Áitiúla ina bhfreagairt do limistéir atá i mbaol ó thuilte.
- Cothabháil a sholáthar do scéimeanna reatha chun an cósta a chosaint.
Baoil ó thuilte amach anseo
Bímid ag obair chun an baol ó thuilte a d'fhéadfadh teacht chun cinn amach anseo a laghdú trí:
- Oibreacha rialúcháin ar choraí agus ar dhroichid faoi ailt 47 agus 50 den Acht Siltin Airtéirigh, 1945.
- Faisnéis agus treoir a sholáthar d'Údaráis Áitiúla chun pleananna forbartha reachtúla a fhorbairt.
- Comhairle maidir le beartais a sholáthar faoi fhorbairt ar thuilemhánna agus cois aibhneacha.
- Faisnéis a sholáthar faoi bhaoil ó thuilte d'Údaráis Áitiúla agus don phobal trí Phleananna a fhorbairt maidir le Baoil ó Thuilte a Mheasúnú agus a Bhainistiú.
- Taighde a dhéanamh m.sh. chun meastacháin faoi shruthanna tuilte a fheabhsú.
- Scéimeanna cosanta cósta a sholáthar.
Comhlachtaí eile Stáit
- Soláthraíonn an Roinn Comhshaoil, Oidhreachta agus Rialtais Áitiúil, trína rannóg pleanála, treoirlínte d'údaráis áitiúla maidir leis an bhforbairt inbhuanaithe, lena n-áirítear baoil ó thuilte a bhainistiú.
- Údaráis Áitiúla:
- Pleananna forbartha a fhorbairt don todhchaí agus forbairt a bhainistiú.
- Freagairt éigeandála a sholáthar le linn tuilte.
- Oibreacha a dhéanamh chun an pobal agus bonneagar a chosaint ar thuilte.
- Roinnt oibreacha draenála a chothabhail.