OPW: Office of Public Works
Oifig na nOibreacha Poiblí
Céard a dhéanaimid
Soláthraíonn aonad gnó na Seirbhísí Innealtóireachta in OOP seirbhísí éagsúla trasna speictream na ndisciplíní innealtóireachta do chomhlachtaí Rialtais, d'institiúidí acadúla, d'oibrithe gairmiúla san earnáil phríobháideach agus don phobal i gcoitinne. Tá rún daingean ag lucht na Seirbhísí cloí leis na caighdeáin is airde i leith na seirbhísí ar fad a sholáthraíonn sé. Áirítear an méid seo leanas leo:-
- Príomhfhreagracht as baoil ó thuilte a bhainistiú
- Scéimeanna draenála artairí agus scéimeanna claífort a chothabháil
- Scéimeanna faoisimh ó thuilte a imscrúdú, suirbhéireacht a dhéanamh orthu, iad a dhearadh agus an obair thógála a bhaineann leo a chur i gcrích
- Monatóireacht a dhéanamh ar obair chothabhála na nÚdarás Áitiúil ar Scéimeanna na nDúichí Draenála
- Seirbhísí comhairle, dearthóireachta agus tógála a sholáthar maidir leis an innealtóireacht shibhialta agus struchtúrach
- Seirbhísí comhairle, dearthóireachta agus bainistíochta tionscadal a sholáthar maidir leis an innealtóireacht mheicniúil agus leictreach
- Sonraí hidriméadrachta a bhailiú agus a scaipeadh
- Oibreacha ar shruthchúrsaí, lena n-áirítear droichid agus coraí a rialáil
- Obair choimisiúnaithe do Ranna eile Rialtais agus do Ghníomhaireachtaí Stáit
- Seirbhís dearthóireachta agus déantúsaíochta a sholáthar
- Gléasra agus trealamh a sholáthar agus a chothabháil
Soláthraíonn Seirbhísí Innealtóireachta OOP an rúnaíocht do Choistí Náisiúnta na hÉireann den IHP (Clár Hidreolaíochta Idirnáisiúnta) agus don ICID (Coimisiún Idirnáisiúnta um Uisciú agus Draenáil)