OPW: Office of Public Works
Oifig na nOibreacha Poiblí
Leabharlann OOP
Is é príomhról na Leabharlainne freastal ar an iomaí riachtanas éagsúil faisnéise a bhíonn ag baill foirne OOP ar fud na tíre. Tá fáilte roimh dhaoine den phobal cuairt a thabhairt ar an Leabharlann trí choinne a dhéanamh chun breathnú ar ábhar sna réimsí speisialtóireachta dár gcuid. Tá freagracht ar an Leabharlann freisin as na bailiúcháin leabharlainne i láithreáin oidhreachta OOP.
Tá leabharlanna tábhachtacha le foireann leabharlannaithe ag Farmleigh agus ag Garraithe Náisiúnta na Lus.
Tá bailiúcháin ag na hionaid seo a leanas freisin: Cath na Bóinne, Eastát an tSeandroichid, Co. na Mí & Lú; Ionad an Bhlascaoid Mhóir, Co. Cath na Bóinne, Eastát an tSeandroichid, Co. na Mí & Lú; Ionad an Bhlascaoid Mhóir, Co. Chiarraí; an Casino, Marino, Baile Átha Cliath; Baile an Chaisleáin, Co. Chill Dara, Tigh Mór Dhoire Fhíonáin, Co. Chiarraí; Teach Glebe, Co. Dhún na nGall; Aill an Cheoláin, Co. Chorcaí; Cranlann John F. Kennedy, Co. Loch Garman; Caisleán Chill Chainnigh, Cill Chainnigh; Príosún Chill Mhaighneann, Baile Átha Cliath; Músaem an Phiarsaigh, Baile Átha Cliath; agus Caisleán Ráth Fearnáin, Baile Átha Cliath.
Téann stair bhailiúchán leabharlann Cheanncheathrú OOP siar chuig an tráth a bunaíodh OOP sa bhliain 1831 agus tá an-chuid ábhair ann ón naoú agus ón bhfichiú céad. Léirítear ann raon leathan na ngníomhaíochtaí a raibh OOP ina mbun i gcaitheamh na tréimhse fada sin. Áirítear iad seo a leanas leis na réimsí reatha ábhair: ailtireacht, foirgníocht, innealtóireacht, draenáil artaireach, faoiseamh tuile, bainistíocht maoine, oidhreacht, ealaín, dlí, sláinte agus sábháilteacht, riarachán poiblí, bainistíocht, eacnamaíocht agus ríomhaireacht.
Cineálacha foilseachán sa Leabharlann
- Reachtaíocht - reachtanna na hÉireann 1310-1800, reachtaíocht ghinearálta agus áitiúil na Breataine 1828-1939, reachtaíocht na hÉireann 1922 go dtí anois.
- Tuairiscí Rialtais agus ó Choimisiúin, lena n-áirítear gach Tuarascáil Bhliantúil de chuid OOP 1831/2-.
- Pleananna forbartha na nÚdarás Áitiúil.
- Foilseacháin ó eagraíochtaí Éireannacha agus idirnáisiúnta.
- Leabhair ó fhoilsitheoirí tráchtála.
- Foinsí tagartha agus faisnéise, lena n-áirítear foclóirí, eolairí, léarscáileanna, srl.
- Irisleabhair.
- Nuachtáin.
Ábhar cartlainne sa Leabharlann
- Tráchtais.
- Ábhar lámhscríbhinní.
- Pleananna agus léaráidí ailtireachta OOP.
Sonraí Teagmhála:
An Leabharlann, Oifig na nOibreacha Poiblí, Sráid Jonathan Swift , Baile Átha Troim, Co. na Mí.
Teil: (01) 942 6023/4 Facs: (046) 942 6221
R-phost:
Leabharlannaí: nirvana.flanagan@opw.ie
Leabharlannaí Cúnta: nuala.canny@opw.ie
Cúntóir Leabharlainne: veronica.donegan@opw.ie
Naisc
Coinnítear cartlanna stairiúla OOP, a chomhlánaíonn na tuairiscí foilsithe sa Leabharlann, sna Cartlanna Náisiúnta.
Solathraíonn Archéire bealach le teacht ar roinnt suíomhanna ailtireachta Éireannacha.
Is éard atá i PADDI (Planning Architecture Design Database Ireland) bunachar sonraí bibleagrafaíoch a tháirgeann Leabharlanna Ailtireachta agus Pleanála Ollscoil na Banríona, Béal Feirste agus Coláiste na hOllscoile, Baile Átha Cliath.
Tá stór ollmhór ábhair ag Leabharlann Náisiúnta na hÉireann a bhaineann le gach gné de stair agus de chultúr na hÉireann.