OPW: Office of Public Works
Oifig na nOibreacha Poiblí
An tAonad Caidreamh Poiblí agus Tacaíochta Boird
Is é ár ról, go príomha, ná freastal ar an méid lena mbíonn ár gcustaiméirí ag súil agus faisnéis a sholáthar a bheidh tráthúil, cruinn agus ábhartha agus a chinntiú go léireofar seasamh OOP go hiomlán.
Áirítear an méid seo a leanas lenár ndualgais:
Ag freagairt d'fhiosrúcháin ó na meáin agus ón bpobal i ndáil le nithe a thagann faoi chuimsiú shainordú OOP;
Monatóireacht a dhéanamh ar thuairimí faoi OOP agus faoina cuid oibre sna meáin chlóite agus chraolta;
An bealach a léirítear ról an Aire Stáit ag Oifig na nOibreacha Poiblí sna meáin a bhainistiú agus ábhar faisnéise, óráidí san áireamh, a sholáthar don Aire de réir mar a bhíonn gá leis;
Tacaíocht riaracháin a sholáthar do na Coimisinéirí agus do chomhaltaí an Bhoird chomh maith le dualgais riaracháin do go leor coistí inmheánacha.
Maidir leis an obair le Tuarascáil Bhliantúil OOP a fhoilsiú chomh maith lenár n-iris dhébhliantúil "Obair", in éineacht lenár n-obair le foilseacháin eile a ullmhú, is modh é sin le roinnt de na hoibreacha agus de na tascanna a dhéanann OOP a chur chun cinn, go seachtrach agus go himheánach araon;
Bíonn obair mhór i gceist le láithreacht OOP ar an idirlíon a bhainistiú, maraon le freagracht fhoriomlán as Suíomh Idirlín inmheánach OOP.