OPW: Office of Public Works
Oifig na nOibreacha Poiblí
Brainse na gCuntas
Tá Brainse na gCuntas in OOP freagrach as:
- íocaíochtaí údaraithe a dhéanamh, íocaíochtaí párolla agus éilimh ó chonraitheoirí go príomha,
- acmhainní airgeadais na hOifige a thaifeadadh, a bhainistiú agus cuntas a thabhairt iontu,
- riachtanais na hOifige, maidir leis na Meastacháin, a chur i láthair go héifeachtach agus in am, agus caiteachas a bhainistiú laistigh den chionroinnt vótáilte, agus
- faisnéis a thabhairt don Aire agus don Choiste Comhairleach Bainistíochta maidir le saincheisteanna airgeadais.
Próiseálann Brainse na gCuntas iad seo a leanas go hiondúil
- 38,400 Treoracha chun Íoc (ITPanna),
- 8,400 admhail,
- 5,000 éileamh taistil,
- 3,400 íocaíocht cíosa agus
- íocann tuarastail agus pá 2,350 ball foirne.
Lena chois sin, bhainistigh sé caiteachas vótáilte agus neamhvótáilte ar luach €681m, admhálacha ar luach €121m agus €33.3m d'aisíocaíochtaí d'Iasachtaí Áitiúla.
Próisis airgeadais a bhaineann le hOifig na nOibreacha Poiblí amháin:
Cuntais Ghníomhaireachta Neamhvótáilte
* Gníomhaíonn OOP mar ghníomhaire do Ranna agus do Ghníomhaireachtaí eile Rialtais maidir le cóiríocht, cothabháil agus tionscadail mhóra thógála a sholáthar. Sna cásanna seo, íocann OOP an soláthraí seirbhíse agus aisíocann an phríomh-Roinn í trí réamh-óinchistí agus nó trí iad a bhilleáil tar éis na heachtra.
* I gcás go n-íoctar OOP tar éis na heachtra, bíonn próiseas "billeáil agus bailigh" i gceist lena mbaineann trí chéim: 1. Íocann OOP sonrasc/deimhniú arna fháil ón gconraitheoir le haghaidh oibreacha/obair chothabhála srl. 2. Eisíonn OOP bille chuig an bpríomh-Roinn ábhartha. 3. Faigheann OOP íocaíocht ón bpríomh-Roinn.
* Tugtar Cuntais Neamhvótáilte ar na cuntais sin agus baineann caiteachas amuigh is istigh ar €132 in aghaidh na bliana leo .
*as thart faoi 50,000 cuntas san iomlán a fheidhmíonn OOP, Cuntais neamhvótáilte is ea thart faoi 20,000.
Deimhnithe ó Ailtirí
Déanann OOP cuid mhór íocaíochtaí de bhun Deimhnithe ó Ailtirí i leith tionscadal foirgníochta. Baineann spriocdhátaí níos giorra leo siúd maidir le híocaíocht phras, ná a bhaineann le sonraisc, agus d'fhéadfadh suimeanna an-mhór a bheith i gceist leo, suimeanna chomh mór leis na milliúin euro.
Cáin Chonarthaí Iomchuí/Cáin Iarchoimeádta Seirbhísí Gairmiúla
Mar gheall ar líon mór na n-íocaíochtaí de chineál foirgníochta a dhéanann OOP, bíonn Imréiteach Cánach C47 de dhíth ar go leor de na híocaithe nó gearrtar Cáin Chonarthaí Iomchuí orthu. Ar an gcaoi chéanna, tá cuid mhór íocaíochtaí ann a ngearrtar cáin táillí gairmiúla orthu.
Socruithe Baincéireachta
Rud nach mbaineann ach le hOifig na nOibreacha Poiblí amháin, déanann OOP a cuid baincéireachta le Banc Ceannais na hÉireann (seachas le hOifig an Phámháistir Ghinearálta), eisíonn seiceanna arna dtarraingt ar an mBainc Ceannais agus déanann a cuid oibre féin maidir le seiceanna a ghlacadh agus imréiteach bainc.